鬍鬚曾一味「減甜」，預算案置市民生死不顧。鬍鬚曾仲化身鍵盤戰士，學人喺網上寫龜兔賽跑新編，網民自然嬲到爆！

網民︰庫房水浸，你就成日話財赤，「狼來了」呃邊個？

鬍鬚曾︰你無睇我寫嘅龜兔賽跑咩？烏龜係收入，白兔係開支，烏龜就算點領先，白兔一醒就會爬頭。

網民︰我理得你龜定兔，我係人，食唔飽你話點算？

鬍鬚曾︰啱，做人就要放眼將來。

網民︰同我講將來？我淨知依家頂唔住，點有將來？

鬍鬚曾︰咁……

網民︰我都有個新編故事同你講，烏龜係你，白兔係市民，無論白兔點瞓，一醒就會奮力向前衝。唔似你隻烏龜，頭縮慢慢行，仲永遠唔認錯！

鬍鬚曾︰@##$$%^^^

第一手消息請下載on.cc東網iPhone/iPad/Android/Windows Phone Apps