練武可強身健體，中華國術總會創辦人趙式慶八歲開始習武，至今已經練咗近三十年，日前佢出席一個儀式，即席表演洪拳入門之一「工字伏虎拳」，打得虎虎生威。

趙式慶在席上表演「工字伏虎拳」，打得虎虎生威。

趙式慶透露：「細個係父母安排，培養咗興趣之後就自己搵師傅拜師。」佢透露，計劃同理工大學合作搞一個武術課程，九月就會開始：「我都係客席講師之一，會請其他師傅幫手。」

趙式慶已經出過有關武術嘅書，今年七月又將推出一本關於香港武林嘅書籍，希望藉此提升港人對武術的關注，不過佢都有啲憂慮：「依家最緊要係承傳，因為好多師傅都已經六、七十歲或以上，但可以繼承嘅弟子就唔太多。」時下有啲青少年都鍾意學武，佢話呢個係好現象，多得有電影等渠道傳播。

第一手消息請下載on.cc東網iPhone/iPad/Android/Windows Phone Apps