政壇：區會整頓推廣基本法免亂

據講建制派議員之所以識得要加入工作小組，全因為被有關方面「照肺」，鬧佢哋太大意，連啲咁重要嘅職位都要拱手相讓畀泛民議員。原因係白鴿黨葵青區議員林立志當選工作小組主席，建制派議員如果唔理，泛民主派會唔會借工作小組宣傳公民提名就好難講喇。

呢邊啱啱搞掂，上星期中西區區議會開會討論《基本法》推廣活動撥款時，會議小組主席李志恒以未徵得出席議員同意為由要求閉門會議，又拒絕畀公眾人士同記者旁聽。最後有委員三次警告後決定報警處理，幾名警員到場後將白鴿黨許智峰抬走，被質疑違反區議會議事規則。有地區人士話，白鴿黨呢啲踩場伎倆已經舊到唔舊，但班建制派依然中計，認為必要時將會議流會就搞掂，不必要同泛民正面衝突喎。所以有關方面已下令其他區議會嘅建制派議員喺討論宣傳工作撥款時一定要坐定定，免再甩轆。