SUN搞作：打橫嚟講：聲大大無貨賣的五十年不變

沒錯，通常「聲大大」的，是最流的，君不見由老董起，說甚麼「香港好，中國好；中國好，香港好」的嗎？依家，中國好（有錢）了，香港好喺邊呢？老董又說：「（香港）明天會更好」！請問，「明天」在哪裏？明天有普選嗎？

貪曾煲呔就更趴街，佢不是用公帑高調狂賣廣告，話「會做好呢份工」的嗎？他任內七年，對香港有乜貢獻或建樹呢？除咗貪腐之外？

哼！今屆香港廢柴政府高層，幾時有方方面面咁「虛心聆聽」過市民心聲？但班庸柴大話精卻不停口地大叫會「行之正道」、「開誠布公」、「用人唯才」個喎！實際又係點呢？大陸高官話齋：「你們懂的！」

今天，香港特區政務司司長林鄭就政改而呼喊「有商有量」，請問，佢幾時有「有商有量」過呀？佢聲大大的，只是「水中花，鏡中月」的假貨而已！香港廢柴政府高層，幾時「感受過香港市民的感受」？他們只聽命大陸高層的口號式指令！

大陸中央政府官員日嗌夜嗌叫佢哋啲子民外出要有文明，咪通街大小便！吆喝聲大的強國人仍醜態百出，原來，他們一早明白此乃「賣假貨」的唸白。香港市民，你們應向強國人學習學習，早點認識國情，咪十吓十吓，聽到的就當係真！港人治港？高度自治？哈哈！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府