SUN搞作：少膽虫手記：沉船採訪記

少膽虫企喺船頭，雙目垂淚，回望腦細，細聲求饒：「真係要少膽虫就咁跳落去？」淫賤黎上氣唔接下氣咁話：「我哋山長水遠入嚟長洲，唔通去東堤小築BBQ呀？梗係嚟製造獨家新聞啦！快啲！」

「OK喎，不如去東堤小築BBQ完先跳，有力好多呀！」少膽虫借啲意爬番落去，又被淫賤黎阻止：「唔准走！家陣你上咗呢條沉船，就同我淫賤黎一條船，無得走呀！快啲同我拍埋呢個鐵達尼鏡頭先啦，動呻吟趕住要呀！」

少膽虫仰天長嘯，想起呢隻越南貨船，漂泊遠方，竟然客死異鄉，一時感慨，便吟誦：「不鬧動拉！莫展失妹夜團人亦……啪啪啪！」面上已中熱烘烘的幾巴，只見淫賤黎磨拳擦掌，狂叫：「咪再拖延時間！我哋已經落後正義傳媒，如果唔加啲情節上去，點鸁呀？」

少膽虫搖搖頭，忽然瞥見，船艏寫住的船名，似是叫「全霉1號」……