「扣你分，扣你五十分！」淫賤黎獸性大發狂叫，撕破物件之聲，伴隨肥豪陣陣哀求，「嗚呀！腦細，唔好呀！」似曾相識嘅對白，令少膽虫不寒而慄，終於忍唔住衝咗入房，「肥豪，你無事吖嘛？」

少膽虫一入房，就見一地都係……紙碎，「少膽虫，你衝入嚟做咩？」淫賤黎問。少膽虫不知如何開口，肥豪就道︰「老細，我唔想再作喇！」淫賤黎一聽，怒火又起，手上《爛果》轉眼就被撕成碎片，「叫咗你作文作得誇張啲o架啦，你睇你作咗啲咩出嚟！扣你分，重作！」

肥豪不情不願，「咁係違反創作原則……」淫賤黎大力拍枱，「呢度係壹全霉，淨係得『壹腦細三奴才』原則，你、少膽虫同fing春蘇敢逆我意？」肥豪雖然聽到腳都震埋，但仍堅持全霉工作者一絲尊嚴，「腦細，你明明話《爛果》編輯一向高度自主，作乜都得，你依家擺明係干預編採老作喎。」

淫賤黎竊笑一聲:「自主點分高低？同你講得高低咪即係無自主囉！」

第一手消息請下載on.cc東網iPhone/iPad/Android/Windows Phone Apps