SUN搞作:SUN官場現形記:走佬原因
貪曾壞事做盡,全城怒罵,為咗避開指摘,貪曾決定走佬。途中,竟然有一班人同佢同行,貪曾以為係「自己友」,就上前打招呼,結果……
貪曾︰咦!咁啱嘅,你哋衰咩?
同行者︰衰咩?衰太高囉!
貪曾︰高大威猛都唔滿意?唔通似我鬼祟好咩?
同行者︰講緊樓價太高呀!
貪曾︰唔通你有份推高樓價被人鬧,所以要走佬?
同行者︰……成日嘈,點頂呀?
貪曾︰哦,你同人有爭執。唔通你驚被人尋仇?
同行者︰你做埋咁多衰嘢就要被人尋仇,咪煩我,過主喇!
貪曾︰妖,咁人哋想知你哋點解要走佬嘛!
同行者︰你就要走佬,我頂唔順你啲蘇州屎,香港樓價高、爭拗多,叫人點住?依家我趕住去移民喇!
貪曾︰!@##$$$%%^%^