旗袍係傳統女性服飾,但穿旗袍卻係女性嘅一大挑戰,香港大學李嘉誠醫學院名譽教授梁乃江太太胡桂文係旗袍頭號粉絲,自二十五歲結婚着第一套旗袍開始,一着傾心,丈夫一句「我鍾意」,更令佢由四十歲起日日都着旗袍。

梁胡桂文(右)收藏九十套珍貴旗袍,藏量多到可以搞個人展覽。

體態纖瘦嘅梁太,天生一幅好衣架,梁教授說:「旗袍隱惡揚善,咩身形都着得,你唔覺得女人着旗袍最靚嘅咩?」將旗袍當便服,數量不能少,所以當梁太睇到啱心水嘅旗袍衣料,就會二話不說買下,送到御用裁縫手上。訂造多年,師傅已摸清梁太嘅心水,款式獨一無二,至今已累積多達九十套。

第一手消息請下載on.cc東網iPhone/iPad/Android/Windows Phone Apps