政壇：王賢訊笑言狂搵奶粉錢

仁濟醫院副主席王賢訊（Vincent）傳喜訊，下月佢太太朱穎詩（Vincci）進入預產期，做老竇咁大件事，梗係又開心，又感責任重大，Vincent講笑話要努力工作賺奶粉錢至得喎。

王賢訊（右）下月升級做老竇。

佢真係識講笑，貴為「電子大王」兼大慈善家王華湘嘅孫仔，屋企多個小朋友，佢使乜驚呀？Vincent嗰本神仙狗故事書愈來愈多粉絲，所以佢計劃將故事書嘅公仔專利，授權畀內地或台灣有潛質嘅合作夥伴，又籌劃將故事書變成動畫，向多元化文化產業進軍，咁多大計，奶粉、尿片錢乜都一齊嚟啦。