《來自星星的你》風潮未止，一班少女少婦紛紛中「劇毒」，毒性依家由內銀再發酵，光大銀行、建設銀行為咗搶存款，趁三八婦女節，加少少「星星」味道，推出理財產品搶攻市場。

光大銀行長沙分行就高舉「如果教授離開了你，就讓光大守護你。光大銀行長沙分行，給您的財富來自星星的守護」，而建行湖南省分行就高呼「獻給來自星星的你」，中信銀行、招行亦唔執輸，通過微信向潛在客戶發布相關宣傳，借「星星」橋段推銷理財產品。

你可以話佢哋抽「星星」水，但都係值得鼓勵，起碼內銀知道市場要乜。搞吓創新，最緊要係客戶都有得益，皆因呢批理財產品嘅收益率好過以前好多。

第一手消息請下載on.cc東網iPhone/iPad/Android/Windows Phone Apps