黃牛何辜！漁護署胡亂遷牛，致黃牛骨瘦嶙峋，要到市集覓食，商戶亦受困擾。李衞得知，自然捉漁署官員出嚟興師問罪。

李衞︰你哋做嘢無計劃，害牛又害人！

官員︰我哋係經過深思熟慮先做o架。

李衞︰深思熟慮？！將啲牛遷去大嶼山，搞到佢哋無啖好食，咁樣都叫深思熟慮？

官員︰當然，我哋此舉係為咗配合政府發展大嶼山計劃。

李衞︰放啲牛入大嶼山，可以發展啲咩？咪呃人啦！

官員︰你話喇，我哋將啲黃牛遷徙咗去邊度？

李衞︰荒蕪之地囉！

官員︰咁咪係囉，佢哋咪名副其實嘅「開荒牛」囉！

李衞︰@#$#$%%%^

第一手消息請下載on.cc東網iPhone/iPad/Android/Windows Phone Apps