80後港商「一套成名」！去年底，年僅二十七歲的陳維德研發厚度僅0.036毫米的安全套，獲健力士世界紀錄認證為「全球最薄橡膠安全套」，為港爭光。0.036毫米背後，不但是港人挑戰健力士的決心，更揭示在大量冒牌劣質安全套充斥的內地市場，港資國貨如何堅持以「安全」行先，「呢個行業唔止為賺錢，仲背負住社會責任，一旦出現差池，真係會搞出人命。」

喺我哋角度，安全先係最大考慮。

陳維德（右）獲健力士世界紀錄官方機構代表頒發證書。（受訪者提供）

面對內地冒牌安全套充斥，陳維德堅持要做好品質檢測。（受訪者提供）

這款僅厚0.036毫米的安全套，以0.002毫米之微，於去年底成為「全球最薄橡膠安全套」。

「好多人問點解係0.036毫米，唔再做薄啲？喺我哋角度，安唔安全先係最大考慮。」年半前，他的團隊開始研發超薄安全套，原來當初並非刻意要做全球最薄，而是想做出既薄又安全的產品，於是反覆調整生產程式，再進行無數次安全測試，「試過整咗幾萬個安全套出嚟，過唔到安全標準，全部唔要得。」

直至去年三月，他將通過安全標準、厚度僅0.036毫米的新產品，交予健力士世界紀錄官方機構認證，並於去年年底獲通知成功打破舊紀錄，以0.002毫米之微，成為「全球最薄橡膠安全套」。

生產安全套是極冷門行業，陳維德是現時唯一在內地擁有自家安全套品牌兼生產線的港商。當年內地改革開放，思想前衞的陳爸爸覷準商機，在內地設廠生產安全套，而獨子陳維德在加拿大機械工程系畢業後，於○九年返港接手打理這盤冷門家業，至今踏入第五年。

由於生產線設於廣州，這幾年他經常穿梭中、港兩地，對「安全」二字有另一番體會，「同香港唔同，內地成日都有山寨貨，品質好差，個套可能未用就已經穿咗，根本就唔『安全』，但依然吸引好多人去買。」說罷，他緊皺着眉，一臉無奈。

設打假團北上巡查

訪問當日，正遇上江蘇省警方揭發市面有冒牌安全套，陳維德坦言對此類新聞見怪不怪，「內地民眾特別吹捧外國品牌，但未必捨得畀咁多錢買正貨，山寨貨價錢平，但品質就未必有保證。」為此，他特意成立「打假」團隊，由數名員工負責巡查，一旦發現有冒牌假貨，便會通知有關當局。

「行入任何一間性用品店，閒閒地都有過百款安全套，真係好誇張！其實咁多山寨貨，我哋邊度捉得晒，只係盡量去做，作為生產商，唔應該只係為賺錢，仲要為用家嘅生活負責任。」面對「唔敢買套」的用家，陳維德期望有天他們能放下忌諱，「今時今日，仲有好多人因為怕尷尬，即使有需要都唔敢去買，呢個係一個好錯嘅觀念。」在0.036毫米之後，會否再有新紀錄？「我唔知呢個紀錄可以維持幾耐，但係唔係最薄都好，我哋一定會做到最安全嘅安全套。」

第一手消息請下載on.cc東網iPhone/iPad/Android/Windows Phone Apps