SUN搞作：網絡小說：破壞法治
「踎低！踎低！」獄警不斷用棍敲打盾牌，喝住打鬥的囚犯：「踎低呀！唔係我哋會使用暴力！」
貪曾
貪湯
囚犯們停一停手，回頭一望，卻並不怯場，轉過頭去又拳打腳踢。
「唔好再打嚟打去喇！」獄警再大聲宣布：「再唔踎低，我哋就施放催淚彈o架喇！」
「咪嘈啦！郁就郁，射就射，乜Q嘢叫『使用』暴力同『施放』催淚彈呀？」囚犯又再回頭齊話：「我哋邊度有打嚟打去呀？我哋正正經經咁揼緊呢兩條友咋！」然後從人堆中抽出兩個鼻青臉腫、一高一矮的人乾，雙貪是也。
獄警急忙將此事回報獄長。
「你話雙貪幾衰先得o架！」獄長感嘆：「家陣搞到佢畀人打，我哋都唔知幫唔幫手好，真係破壞晒香港法治！」
