城中鏡：張耀堂輕敵 輸畀小波神
八達通行政總裁張耀堂（Sunny）本月二十一號任期屆滿之後就退休，屆時會同老婆、友人一齊坐郵輪去旅行歎世界。
張耀堂任期屆滿之後就退休，屆時會同老婆、友人一齊坐郵輪去旅行歎世界。
Sunny一向熱愛運動，佢尋日同傳媒聚會時就自爆「瘀事」，話說早前同一個十二歲男仔打壁球，眼見對方只係仔就輕敵，結果連輸三盤，當時對方仲寸佢：「Uncle，畀你抖多二十分鐘再打過」。Sunny話，個男仔一向有參加公開賽，係壁球代表隊成員，唔怪得咁厲害喇。
繼任人要叻
Sunny卸任在即，問佢繼任人應具備咩條件，佢就簡單講咗「叻人」兩個字，咁佢係咪曲線讚緊自己都係「叻人」呢？
