公民黨(公文袋)喺今屆立法會選舉議席增加,但人多意見多,內訌亦停不了。嚟緊佢哋或有黨魁更替,蜀中無大將下,有人話最有機會接任嘅似乎只得陳家洛一個。

設計圖片及對白

梁家傑冇退意

該黨嘅立法會議員湯家驊同傳媒尋日聚會,講到黨魁梁家傑已經做咗近四年,佢哋嘅黨章規定黨魁只可以連任一屆,十月改選,點都要退下火線。由於黨魁一職規定要由直選議員擔任,環顧咁多個直選議員,有啲被視為異見,有啲又資歷淺,所以陳家洛睇高一線。不過,公文袋就話早喺○八年已經更改咗黨章,所有職位都可以連任多屆,而據了解,梁家傑仲未有退意喎!

究竟今次係湯家驊擺烏龍定係有心勸退呢?唔通湯家驊又試唔記得,好似之前佢寓所被揭僭建玻璃屋,一度死撐話玻璃屋屬豁免規管類別,但最後都面懵懵話自己「記錯」咁。點都好,被點名嘅陳家洛就難免一陣歡喜一陣憂喇!

第一手消息請下載on.cc東網iPhone/iPad/Android/Windows Phone Apps