政府宣布發行第四期iBond(通脹掛鈎債券)呢個消息後,證券界已經密密部署,準備迎戰新一批iBond,信誠證券董事總經理劉昇昂(劉老闆)更講明要備戰,仲激勵同事要加倍努力,唔單只要「洗樓」,仲要「洗邨」兼「洗埋水塘」咁吸客!

劉昇昂(右四)與一眾管理層向賓客祝酒。

佢哋喺春茗聯歡晚會上宣布計劃,呢晚佢哋宴開三十四圍,座無虛席,抽獎、遊戲、嘉賓獻唱等掀起多個高潮,劉老闆宣布要搶攻iBond戰場之後,仲即席同上年獲得最高銷售獎嘅經紀展開一段風趣幽默嘅對答,笑言成個荃灣交晒畀佢,總之由每朝早五點起,凡去城門水塘嘅人,都搵佢哋開戶口,開工開到夜晚冇人上去為止喎!佢仲話歡迎政府計劃再發行iBond,但就失望發行額只係維持一百億元,唔知夠唔夠大家分。

第一手消息請下載on.cc東網iPhone/iPad/Android/Windows Phone Apps