兩會喺北京召開，與會者既要忙開會，又有唔少飯局應酬活動，身兼全國政協委員嘅浸會大學校長陳新滋就忙裏偷閒，喺兩會期間亦抽時間勤做運動。

喺北京開會嘅陳新滋做運動都揀室內跑步。

尋日全國人大委員長張德江同港澳區政協委員見面，會後就見陳新滋一支箭跑返其入住嘅貴賓樓換衫，稍後就見佢恤衫配埋條短褲出嚟，話要去跑步。北京空氣質素咁差，室外跑兩跑肯定窒息，陳校長唔係咁勇呀﹖原來佢去咗酒店健身室跑步機跑步，不過，唔知係咪上京匆忙，佢竟然帶漏咗運動衫，所以呢日嘅運動裝竟然係恤衫配短褲，係咪好奇怪呢？

第一手消息請下載on.cc東網iPhone/iPad/Android/Windows Phone Apps