城中鏡：馬化騰傷腰 缺席兩會
騰訊主席馬化騰（圖）唔單止係科網界紅人，亦係業界內首位全國人大代表，唔少中外媒體原本期望借住一年一度嘅人大政協兩會之便採訪呢位紅人，點知馬化騰今年甩底。佢唔係留番啲時間同馬雲大戰，而係因腰傷無法出席啫！馬總做事出晒名勤力，喺呢度祝願佢要好好休養啦！
馬化騰
馬化騰今次缺席唔多唔少都令好多人大失所望，騰訊近期係港股嘅風頭躉，無論佢去到邊都係焦點人物。據了解，佢因為腰椎舊患，要遵從醫生囑咐，休息靜養一段時間，所以連兩會都要缺席。
其實，馬化騰都唔係第一次因為腰患臥病在床，喺騰訊仍喺起步階段尋求融資嘅時候，佢就做咗兩次腰椎手術後，但佢非常勤力，第二次手術後，就可以瞓喺床上辦公啦！
