SUN搞作：少膽虫手記：愛雞愛出禍

千里迢迢嚟到銅鑼灣，淫賤黎竟然停喺愛講之星面前，少膽虫唔多唔少都估到發生乜事，於是大嗌：「驅黃！驅黃！驅黃！」「啪啪！」說時遲，那時快，淫賤黎摑少膽虫兩巴，「驅黃？我嘅立場係咩都唔知就亂吠？」

少膽虫不明所以，估唔到淫賤黎成日轉立場當食生菜，淫賤黎笑淫淫續講：「內哋啲雞，又嫩又滑又夠口感，依家又驅又趕，以後我仲點風流快活？」勢估唔到淫賤黎識食都要講出口，少膽虫為表忠誠，正想高呼口號之際……

背後有人怒氣沖沖對住淫賤黎講：「學人驅黃？驅走你哋至真！」少膽虫見腦細無辜被點錯相，惟有幫手出頭護駕：「腦細鍾意食內地活雞啫，咁都有錯？」「一睇就知佢喺淫賤黎啦！《爛果》宣淫販賤、亂作新聞，『黃業』當道可謂罪大惡極呀！」