住屋問題困擾香江，唔單止係公營房屋，就算係私樓，市民都希望有多幾個選擇，偏偏港鐵獲批發展權，三年來都冇推出上蓋發展項目，李衞今日就直闖總部討說法！

李衞：港鐵攞咗發展權又阻住地球轉，係咪玩嘢先！

港鐵高層：唔好意思，只係補地價傾唔掂數，先至流標啫。

李衞：有冇搞錯！當初為咗全民交通福祉先醒個發展權畀你，你依家仲喺度嫌三嫌四斤斤計較呀？

港鐵高層：嘩，你唔好咁講呀，我哋起鐵路都好大付出o架！

李衞：仲好大收穫添！年年賺大錢年年嗌加價，公共服務點可以咁貪得無厭！

港鐵高層：我哋要以股東利益為依歸，加價賺多啲，政府分多啲，咪有錢派糖囉！呢啲叫曲線回饋，高深學問嚟o架！

李衞：扮高深？香港人唔受呢套嘅！我有方法幫你直接回饋市民，就係你班高薪低能減人工扣花紅，市民肯定拍爛手掌！

港鐵高層：＆＾％＃！！＠＃！

第一手消息請下載on.cc東網iPhone/iPad/Android/Windows Phone Apps