政壇：林樹哲蔡冠深北京受冷待
全國政協會議尋日下午正式開幕，但卻出現些許混亂。話說接載政協委員到人民大會堂嘅專車竟然提前開出，由往年下午二時半改至二時十五分開出，部分委員懷疑未有收到有關通知而錯過咗專車，政協常委林樹哲，同政協蔡冠深仲因為咁而遭到冷待添！
蔡冠深（圖）與林樹哲險錯過政協開幕時間。
林樹哲（右二）
尋日大約二時二十分左右，林樹哲同蔡冠深到達酒店門外等候專車，點知去到嘅時候先知原來架車已經走咗，佢哋急如鍋上螞蟻。不過，職員就有眼不識泰山，態度欠佳咁對佢哋講，一早講咗一分鐘都唔遲得喇！林、蔡兩人就同佢理論，話根本冇收到專車會提早十五分鐘開出嘅消息。心急趕赴會場嘅蔡冠深即時諗住步行過去，仲話自己行得好快趣。
後來可能職員知道佢哋身份，最終都安排兩架專車送佢哋去會場，林樹哲即時鬆咗一口氣，企埋一邊食支煙當定驚。
