政壇：餘額寶吸資A股響警鐘

由馬雲領導嘅阿里巴巴，旗下嘅餘額寶可謂顛覆金融界嘅神話，由開始運作至今只有八個月，開戶人數已衝擊八千一百萬新高，市傳資產規模突破五千億元人仔，用戶數量甚至超過A股股民六千七百萬之數！連中證監主席肖鋼都話，餘額寶嘅高收益對資金流入股市帶來壓力，為A股市場敲響咗警鐘。

馬雲領導嘅阿里巴巴，旗下嘅餘額寶，開戶人數已衝擊八千一百萬新高。

大陸投資者有「七二一」投資定律，即十人炒股，七人輸錢，二人打和，一人賺錢。雖然未至於十賭九輸，但精明嘅投資者都寧願將存款放入餘額寶。

中證監要增加A股市場吸引力，應該要做出一個更強更大嘅藍籌股市場，推動上市公司現金分紅，或者取消紅利稅。