整容膠布黐到皺皮
【記者張凱恩報道】只要貼一貼，即可擁有臥蠶大眼、筆挺鼻樑及瓜子臉的神奇「整容」效果？近年南韓整容風氣殺入本港，一批標榜毋須打針、毋須開刀的整容膠布充斥市面，聲稱長期貼在眼部四周、鼻樑及面頰的皮膚，就可輕易換來標致五官。惟有貪靚一族使用膠布後感到不適，整形醫生和眼科醫生亦指單靠貼膠布根本不能整容，膠布長期覆蓋皮膚，更會引致皮膚敏感、肌肉鬆弛或毛囊炎，一旦在眼部位置誤用，隨時患上眼乾症，影響視力，得不償失。
美容達人Yoko試貼其中一款整容膠布後，認為質地欠佳，不建議市民使用。
醫生指貼在眼皮位置容易患上眼乾症。（互聯網圖片）
整容膠布用法簡單，價錢便宜。
使用方法
有曾在眼部使用整容膠布的網民在討論區上大彈膠布無效。（互聯網圖片）
（互聯網圖片）
唔會用
Kibi（文員）：「我唔使用呢啲嘢，又唔知安唔安全，一定唔會用。」
湛小姐（護士）
Kibi（文員）：「都聽過有人用，但覺得好危險，擔心會拉傷皮膚，反而會有皺紋。」
「唔使開刀嘅自我整容方法，安全又慳錢！」近期有不少網友熱議一種整容新方法，不過這種所謂的「整容」，其實是將一張張稱為整容膠布的產品貼在面上。整容膠布最先由日韓引入，及後傳入台灣及內地，隨即爆紅。
連精華啫喱網售$40
整容膠布外形與一般膠布類似，在網上售價介乎四十至六十元，每盒各有八塊及十八塊。每塊膠布長五點五厘米、闊一點九厘米，並附送精華啫喱。部分產品專針對面部皮膚，聲稱只要每天睡前貼在想改變五官的四周皮膚，即可達到瘦面、緊膚，甚至提升輪廓的神奇效果；部分更聲稱可貼在鼻上，改善鼻形。
部分整容膠布更專供眼部使用，指稱在入睡前塗上精華啫喱，將膠布貼向想整形的方向，就連雙眼距離過大問題都可改善，只要將膠布橫貼於兩眼之間，至翌日起床將膠布撕下便可。
除了網上，本港市面亦有多間店舖有出售專貼在眼部的臥蠶貼，聲稱在日間使用，貼在眼肚位置，可營造水汪汪的桃花眼。有店員表示貨品非常熱賣，又保證質地防敏，不會有反效果。
「我絕對唔贊成用，一嚟無咩效，二嚟會拉扯皮膚，亦聽過有人貼完之後有皮膚過敏。」美容專欄作家Yoko Tsang於去年底到日本旅遊時，購入一盒稱為「小臉貼」的整容膠布，但由於皮膚感到不適，於使用數天後隨即放棄。
美容達人用過話唔好
Yoko亦即場試用其中一款膠布，發現黏貼力差，質地非常粗糙。她並不建議市民使用：「最擔心係長期咁樣黐住塊面，會令皮膚變差，同埋每次用完都要搣番張膠布落嚟，好容易會有皺紋。」
整容膠布聲稱可拉提皮膚，但醫生指分分鐘由拉皮變皺皮。「每次貼完上去都要撕番落嚟，久而久之好容易會拉鬆皮膚，部分人亦有機會出現敏感。」皮膚專科醫生馮健港指，皮膚本身需要透氣，亦會出汗，但整容膠布並沒有透氣孔，密封下反而會堵塞毛孔，引致毛囊炎。
將整容膠布不當在眼部使用，更有機會引致眼乾症。「瞓覺時貼住呢啲膠布，會令雙眼難以合埋，容易患上眼乾症，眼球暴露喺空氣中，會變得好乾，同埋出現紅筋或發炎。」海關稱，會巡查市面的消費品，據《消費品安全條例》，進口、製造或供應未能符合一般安全規定的消費品即屬違法，首次定罪最高可被罰款十萬元及監禁一年。
