SUN驚奇：半生熟補身旅遊達人唔敢食

東瀛遊執行董事禤國全指出，公司不會安排、亦不鼓勵到越南旅遊的團友吃鴨仔蛋，「因為擔心團友食咗未煮熟嘅鴨仔蛋而染病。而喺三星期前，已通知領隊提示團友，不要隨便購買鴨仔蛋。」

旅遊作家項明生也被鴨仔蛋嚇怕，「五、六年前到越南旅行，見到通街有賣半生熟嘅鴨仔蛋，當時導遊更即場吞下。當地人話要煮到半生熟食先可以補身，我覺得太惡心，又驚禽流感，唔衞生，所以冇試到。」

長期失眠不宜服用

「鴨仔蛋係一種未發育成熟嘅鴨，係一種胚胎物質，由於生命力頑強，所以有好強嘅補益作用。」香港中醫師公會會長關之義稱，鴨仔蛋對臟腑虛弱、容易疲倦的人士有補身作用。惟鴨仔蛋屬於溫補的食物，肝火盛、長期失眠的人士都不適宜食用，否則會令問題惡化。