「有能力的人不出聲，無能力的人爭住做」確是俗世清音，鏗鏘金句。

湯顯明

相對香港廢柴政府，就真係好鬼多「無能力的人爭住做」也！由高官到卑劣議員，甚或坊間民眾，都大把例子「證據」。

嗱！最厚顏無恥的庸官，莫如「貪湯」湯顯明，恬不知恥的不斷被揭發貪腐劣行，佢仲夠膽死話係「在陽光下進行」喎！唔該，你下次同中聯辦的酒友隊茅台時，勿再喺夜晚，匿埋黑掹掹嘅卡拉OK房內，有女陪的時候高歌，請改於中午，在政總「公民廣場」、國旗底下玩啤酒競飲大賽吧！

最卑劣議員，近期當然首選喺議事廳內，開緊全港七百萬人福祉大事、財政預算案時，那個睇鹹相的民主黨議員何俊仁啦！身為一黨領導，每月袋香港公帑近十餅嘢，有正經嘢唔關心，竟去自淫！真係何盡淫！

最不希望警方也是無能者，遂在此公開要求警方給一個破案日子，勿再博過得幾日，無人提傳媒人被斬，便側側膊，不了了之！案破不了，也該講講進展，尤其係以前啲舊case！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps