SUN搞作：少膽虫手記︰唔好咁崇洋

淫賤黎手上沾濕，當下大驚：「乜話？你羊水穿咗？我哋私通嘅BB無咗？」李漢奸欲言又止，暗地裏打個眼色，叫淫賤黎支開少膽虫，淫賤黎就話：「阿……阿少膽虫，同我落去canteen買個菠蘿包上嚟！」少膽虫只得從命，但出到房外之後，立即去踢編輯肥豪一腳，叫佢即刻去買，然後自己靜靜雞繼續偷聽。

「水就係水，不過我係話我以前搵美國奶媽畀奶水單嘢，穿咗啦！」李漢奸續道：「家陣畀正義傳媒搵到文件，原來當時白頭佬無同我講會撐我哋！」淫賤黎勃然大怒：「賤人！咁你嗰陣時做乜連我都呃埋？」李漢奸即刻耍手擰頭：「唔係呀！其實係我唔係好聽得明佢啲美式英文……」

「腦細！菠蘿包到！」肥豪將菠蘿包放喺枱面：「無乜事我返出去做嘢先啦。」淫賤黎揚一揚手，然後繼續對李漢奸講：「你唔係大狀咩？英文應該好……哎哎哎哎哎哎哎哎呀！」淫賤黎拎住個包，一口都係血，痛苦大叫：「肥豪你做乜買舊岩石畀我！？」

「咁我鬼知道壹全霉飯堂同大學嘅英文一樣咁差咩……」肥豪無奈道：「你哋唔好一切以英文為準，唔好咁崇洋仲好啦……」