賭王何鴻燊四房嘅何猷君前晚出席「香港癌症基金會2014慈善餐舞會」，因為四太梁安琪、何超盈同何猷亨去咗巴黎睇時裝騷，所以猷君當晚單拖出席。快將完結麻省理工大學第一年嘅佢，話前一日先啱啱返香港，仲受時差影響，而遲兩日又會返去繼續學業，雖然係咁趕，但佢仍然畀面出席晚宴。猷君初現Ball場，雖冇媽咪陪，但佢一啲都唔怯場，表現得斯文大方，同唔少名人、藝人打招呼，場內唔少嘉賓都讚猷君靚仔同乖，期間佢更同藝人鄭俊弘傾到雞啄唔斷，唔知係咪猷君都鍾意唱歌，佢哋喺度交流歌唱心得呢？

何猷君（右起）、何超鳳、鄭兆良同鄭俊弘喺晚宴合照。

第一手消息請下載on.cc東網iPhone/iPad/Android/Windows Phone Apps