城中鏡：鯊魚女「行」善預埋兩愛犬

「鯊魚女」Abbie陳細潔同家姐陳小寶，尋日一齊參與保良局嘅慈善步行。問Abbie有冇帶愛犬同行？佢話兩隻愛犬會中途加入，又話：「唔怕搞唔掂，有姐姐一對一照顧，私人保鏢咁。」佢又話愛犬已習慣行路，因為每日都帶佢哋去散步。佢覺得養狗就要負責任，同照顧小朋友冇乜分別。問起養一隻狗使唔使四百萬元？佢話唔使，不過愛犬試過病倒，做一次磁力共振都需要兩萬多元，小寶就笑住話：「唔怪得咁多朋友嘅小朋友讀獸醫啦。」Abbie平日都會畀愛犬食狗仔配方嘅鯊魚丸。