財爺鬍鬚曾上星期三喺立法會宣讀新一份預算案期間，白鴿黨議員「鐵頭仁」何俊仁喺議事廳內用平板電腦睇美女性感照，引起網民熱烈討論，隨即畀網民鬧爆佢係「何盡淫」同「AV仁」，但原來喺預算案前一晚，都有類似事件發生！

肥亨開口中，早一日預言「AV仁」事件。（資料圖片）

何俊仁

話說預算案宣讀前一晚，有個政商界嘅猛人飯局，席間其中一位立法會議員食食吓飯，突然收到一個電郵，佢打開一睇，原來係啲惡搞電郵，啲靚女性感照即刻係咁彈晒出嚟，大家喺隔籬睇到都忍唔住「嘩」一聲。

當時肥亨仲開玩笑話：「好在係依家見到咋，如果係聽日（財政預算案當日）喺會議廳見到就大鑊喇」，佢仲不忘溫馨提示大家，如果醒目嘅就唔好喺開會嘅時候睇電郵喇。勢估唔到翌日真係爆出何盡淫喺立法會開會期間睇艷照嘅事，今次肥亨真係開口中，唔通佢識得未卜先知，預知呢件事發生？

第一手消息請下載on.cc東網iPhone/iPad/Android/Windows Phone Apps