讀者齊齊捧場 東網節節上升

今年適逢東方報業集團四十五周年報慶，為回饋讀者，東網尋日起全球免費開放《東方日報電子報》一個月，全球華人爭相瀏覽，務求第一時間享受前所未有嘅閱讀樂趣，踴躍程度超乎想像。究竟有幾踴躍？免費開放頭十七小時咋，《東方日報電子報》網站版及App版嘅瀏覽頁次就比上周六全日增加兩倍，連同早前全球免費開放嘅《太陽報電子報》及《好報電子報》，總瀏覽頁次接近五百萬，唔到你唔服。讀者反應咁熱烈，一來證明佢哋夠眼光，二來亦證明東網魅力沒法擋，全球華人最強資訊平台唔係浪得虛名o架。

太一叮喺度再提提大家，為配合《東方日報電子報》全球免費開放，東網旗下嘅「東方日報/太陽報電子報」Android App已改名為「東網電子刊物」App，囊括咗東方報業集團旗下刊物嘅電子版，包括《東方日報電子報》、《太陽報電子報》、《好報電子報》、《FLASHoN電子版》同《特刊電子版》，所有刊物內容都係足本上載，同睇實體報紙感覺一模一樣。使用方法非常簡單，三星等Android手機用戶只要上Play商店更新「東網電子刊物」App，就可以隨時隨地瀏覽原汁原味嘅電子版報刊。

當然喇，東網力臻完美，功能不斷創新，優惠陸續有來，又點止免費開放電子報咁簡單吖。呢嗱，為配合全球華人需要，東網再創本港傳媒先河，尋日起推出簡體字版東網大陸網站，同埋「東網大陸」Android版App，為內地讀者提供最貼身、最詳盡嘅新聞資訊同評論分析。好嘢自然多人欣賞，「東網大陸」App一推出咋，即時引起轟動，內地讀者爭相下載，同胞讚不絕口，認為「東網大陸」App唔止內容豐富，更新速度又快，係內地最好用嘅新聞資訊App。

呢啲咪叫有麝自然香囉。話說全國「兩會」即將召開，好多港區人大代表同政協委員都表示已安裝咗東網App，到時上到北京開會就不愁寂寞喇，既可以掌握神州同全球即時資訊，仲可以瀏覽東網電子刊物，簡直係一舉多得。大家都知喇，內地傳媒千篇一律，好多新聞被封鎖，同包羅萬有、豐富多彩嘅東網根本冇得揮。正所謂，一機在手，天下我有，人代及政協已經揀咗喇，你又揀咗未吖！