SUN搞作：少膽虫手記：港產吉村先生
「很想要吧！」
「想，想，我好想要你！拮穿人！」
呢啲咁猥褻嘅對話，少膽虫本來都唔想理，但偏偏由淫賤黎房中傳出，只好循例望吓究竟發生咩事，點知一開門……
「着白褲，仲要係短嘅！」少膽虫忍唔住叫咗出嚟。淫賤黎身邊嗰位戴住面具嘅肥男子，一身裝扮真係「驚為天人」。「大驚小怪，少膽虫，呢位係我重金禮聘嘅吉村先生，以後動呻吟就靠晒你哋。」
姓吉村？唔通就係名震東瀛嗰位？難怪淫賤黎咁想要喇。少膽虫難得見到偶像，當然發揮男子漢「本色」，問吓吉村先生有咩推介，吉村先生拎出部iPad，指住幅囡囡圖講︰「于欣萌。」少膽虫真係勢估唔到，吉村先生涉獵廣泛，竟然連強國模都逃唔過佢對眼。少膽虫突然驚覺，「咦，吉村先生你啲廣東話咁流利嘅？」吉川先生慢慢除低面具。
「鐵……頭……仁！」 淫賤黎一巴打落少膽虫度，「咩鐵頭仁？吉川仁先啱。壹全霉以後就靠你兩條蟲一少膽虫同老鹹蟲拍住上，大灑鹽花！」
