新界關注大聯盟早前舉行新春團拜，民政事務局前局長藍鴻震（藍爺）都有出席，久未露面嘅佢精神奕奕，笑容滿面。佢話，退休生活依然咁忙，仲即時展示佢張卡片畀我哋睇，話依家除咗搞緊國際專業管理學會外，仲擔任多間企業嘅非執行董事。
久未露面嘅藍爺話佢退休後都係一個忙字。
工作以外，藍爺近年亦關注青年事務，每年都會同一班青年人一齊返大陸考察，生活真係好充實。藍爺百足咁多爪，呢日嘅場合又係新界團體搞，問佢點睇鄉事派計劃組黨，佢就話係好事喎，仲話組黨係大趨勢。
