人逢喜事精神爽 原汁原味睇東網
東網再創新猷，優惠遍及全球。太一叮早就講過，東方報業集團旗艦網站「on.cc東網」精益求精，回饋讀者陸續有來，真係冇花冇假o架。呢嗱，又有着數益大家喇。
即係咁，今年適逢東方報業集團四十五周年報慶，人逢喜事精神爽，東網今日起全球免費開放《東方日報電子報》一個月，香港時間每日凌晨三點半，只要透過東網網站同App，就可以原汁原味免費瀏覽當日整份《東方日報》。今次係繼全球免費開放《太陽報電子報》同《好報電子報》之後，另一項回饋讀者嘅大優惠，人人有份，永不落空。
相信大家都知道，《東方日報電子報》採用創傳媒先河嘅前後揭頁式閱覽模式，媲美實體報紙，唔止讀者可享受另類閱報樂趣，連廣告資訊都一目了然，廣告商可以講係雙重得益o架。所以話，東網力臻完美，功能日趨完善，點擊率屢創新高，眼光獨到嘅廣告商又點可以錯過呢。
順便講講，為配合《東方日報電子報》全球免費開放，東網旗下嘅「東方日報/太陽報電子報」App亦會進行更新，並改名為「東網電子刊物」，讀者只要更新或安裝「東網電子刊物」App就搞掂，方便快捷。「東網電子刊物」App囊括咗東方報業集團旗下刊物嘅電子版，包括《東方日報電子報》、《太陽報電子報》、《好報電子報》、《FLASHoN電子版》同《特刊電子版》，百花齊放，任君選擇。
係呢，《東方日報電子報》點解只免費開放一個月？其實好易理解啫，《東方日報電子報》免費開放後，東網瀏覽量一定急升，需要時間掌握伺服器嘅負荷，以便日後改善配套，提供更優質嘅服務。至於付費訂閱咗《東方日報電子報》嘅忠實讀者，訂閱期將獲延長一個月。
東網嘅目標係打造全球華人最強資訊平台，自然要不斷創新，繼進軍台灣推出「東網台灣」之後，再接再厲推出簡體字版東網大陸網站及「東網大陸」App，讀者唔止可以獲得最地道、最快捷、最詳盡嘅神州資訊，更可以透過內地重量級人物及知名學者所寫評論，從多角度深入、透徹了解內地及國際大事。至於講到「東網大陸」評論版作家陣容，用星光熠熠形容，一啲都冇誇張。總而言之，只要緊貼東網，包你有意外收穫。
太一叮再提提大家，因應發展策略，東網為唔同地區設定唔同顏色，全新嘅「東網大陸」App 同icon配上紅色，新聞版面亦以紅色為主調，一目了然。記得喇，網上見吖！
