政壇：搞搞政：蒙德揚樂意贊助馬拉松
拚耐力及堅毅嘅馬拉松賽跑近年日漸普及，好多城市都有舉辦，唔少賽跑好友更四出征戰。好似信興集團副主席蒙德揚（David），早前喺香港參加完香港渣打馬拉松，轉頭又飛去日本東京，參加東京馬拉松。David熱心體育，經常贊助體育賽事，有冇諗過贊助香港馬拉松呢？佢一聽就笑笑口話，如果田徑總會開放畀外界競投冠名贊助權，佢都有興趣o架。
設計圖片及對白
唔講唔知，本港年度盛事渣打馬拉松係由田徑總會喺十七年前主辦，當時由渣打銀行冠名贊助，依家呢個盛事參加人數漸增，更帶起城中運動風氣，David本來就係馬拉松運動愛好者，如果有得揮金贊助，睇怕佢落場跑時更落力都似。
講完體育，話題轉到投資。David嘅姐姐、負責信興集團投資業務嘅董事蒙倩兒話對近期急貶嘅人民幣（人仔）有興趣，打算出手買多啲人仔，事關香港有企業發行人民幣債券年息高達七厘，好過擺喺銀行只得兩厘幾息。
