人民幣喺香港嘅流通及使用愈趨普及,旅遊作家項明生(James)尋日就喺社交網站晒一大疊一百元人民幣,仲留言話:「大手筆,抽獎用現金,仲要用人民幣!」

項明生日前出席合和實業周年晚宴。

James出席周年晚宴,發現抽獎用嘅錢係大疊人民幣。(互聯網圖片)

細心睇吓,原來係日前出席合和實業周年晚宴嘅,James同合和董事總經理胡文新好老友,周年晚宴梗要去捧場啦,而疊銀紙就有成二千元人仔咁多,唔通James中大獎?佢笑笑口否認,話係佢隔籬座嘅朋友抽中。不過,James望住大疊人仔都有感而發,仲話人仔愈來愈貴,上星期佢上廣州洽談出版簡體字版旅遊書,一百元港紙只換到七十七元人仔,想當年港紙貴過人仔,一百元港紙可以換到一百二十元人仔,真係風水輪流轉。

第一手消息請下載on.cc東網iPhone/iPad/Android/Windows Phone Apps