政壇：千人長者宴擬申世界紀錄

陳國超話，香港人口老化，安老服務需求日益增加。過去一年三個機構四千名義工共提供逾五十萬小時義工服務，值得嘉許。以義工運動義工總領袖身份出席嘅特首夫人梁唐青儀聽完好開心，佢話如果長者宴有機會申請世界紀錄就太好喇，佢盛讚三個機構積極行善，令長者嘅退休生活豐盛、安心，認真唔話得。

當日好多名人善長都去捧場，包括圓玄學院副主席鄧錦雄、湯修齊及陳國超細仔陳承志、仁愛堂主席陳鄭玉而、博愛醫院主席曾耀祥、副主席何榮添、譚姜美珠及總理曾裕，安老事務委員會長者學苑發展基金委員會主席梁智鴻亦有到場。