城中鏡：夢露 華英雄玩轉工總團拜
青年人諗頭多多，好似工業總會青年委員會咁，今年就舉辦咗一個與別不同嘅新春團拜，除咗選擇一間具中西合璧設計嘅餐廳外，出席嘅青委分別扮演外國性感影星、俠醫、海盜、道士、英雄同神級武打明星等，個個裝扮似模似樣，相當滑稽，全場笑聲不絕。
一班工總青委扮嘢度十足，左起：陳允誠、委員胡子岐、劉燊濤、委員顏明秀同陳嘉賢。
青委榮譽主席孫榮聰就以一身富商黃百萬造型示人，副主席Gary劉燊濤就扮演漫畫主角華英雄，而另一副主席Bryant陳允誠就扮演瑪麗蓮夢露，最後由Gary同Bryant奪得男女主角大獎。至於以爆炸頭裝扮嘅主席陳嘉賢就獲得最佳造型獎，佢寄望今年大家生意興隆，業務蒸蒸日上！
