政壇：搞搞政：陳勇隨時出戰超級議席

據聞該黨最近開始研究前期布陣，首個方案係爭取兩席，除李慧琼會再披甲上陣外，另一人選以該黨副主席陳勇嘅呼聲較高，事關黨內分析指佢同新界各門各派都有「打交道」，加上佢嘅新界社團聯會理事長背景，要全力動員新界人支持會較少阻力。陳勇接受查詢時形容，依家「十畫都未有一撇」，希望大家共同努力喎！

假設唔夠票爭取到兩席，該黨會只派一人上陣，呢個人既非李慧琼或陳勇，相反竟落入黨內另一名副主席張國鈞手中。

點解？按分析，創黨主席曾鈺成已揚言會「裸退」，香港島嘅議席就要搵人接棒，由於張國鈞未到曾鈺成個級數，喺港島參選岌岌可危，所以到時由李慧琼轉戰港島區直選較為合適。

講到尾，選舉布陣最緊要係同其他友好黨派討價還價協調，到時就可避免自傷殘殺，究竟建仔如意算盤能否打得響？