政壇：楊志威唱金曲與眾同樂
中銀香港搞咗個春茗，副執行總裁Jason楊志威率領十多名管理層同傳媒見面兼與眾同樂，獨唱一曲林子祥嘅《在水中央》。佢唔係一曲走天涯，佢仲應老友邀請，合唱另一首由張學友同湯寶如原唱嘅《相思風雨中》。
楊志威
印象之中，中銀香港最近呢一、兩年好似比較低調，管理層除咗出席同公司業務有關嘅公開活動，較少呢啲咁輕鬆嘅場合，又玩又唱就真係少。Jason就話可能係過往嘅作風較為審慎，將來會慢慢調節。
講開玩遊戲，一畢業就加入中銀香港做MT（Management Trainee），至今做到分銷網絡副總經理嘅Rick張偉基憶述，當年電子化無咁普及，好多嘢都係人手操作，一入到去就要學點樣數銀紙同用計數機「撳加數」，熟手起上嚟，連計數機都唔使望，所以鬥快數銀紙同撳加數，經常成為同事之間嘅熱門遊戲節目喇！
