SUN搞作：網絡小說：人們不會忘記

「鬍鬚，做財爺最緊要係乜？」「梗係應使則使啦！」曾雀屎一邊歎茅台，一邊拮鮑魚，久久才chok出高人姿態點醒鬍鬚：「呢啲只係冠冕堂皇嘅說話，其實只要當庫房嘅錢係自己辛辛苦苦貪番嚟，咁就唔會亂咁揈啦！」

鬍鬚回想這幾年，自己已經非常慳家，只聽坊間媽聲四起，已可知一二，但講到留低千古罵名，的確同曾雀屎無得揮。鬍鬚心念至此，遽然雙膝一跪，向曾雀屎求教：「到底我要點做，先可以令香港人記住我？」

曾雀屎想起安坐大位之時，隻手遮天呼風喚雨，今時今日雖已淪過街老鼠，卻有鬍鬚屈膝求教，感動得屁滾尿流，即時過真料：「好兄弟，只要你徹徹底底做一個守財奴，市民要嘅你偏唔畀，之前有嘅你cut咗佢，全港市民一定會好好記住你！」

好一份財政預算案，就這樣出爐了。