政壇：Paypal指紋認證 唔預蘋果

佢哋依家同Samsung合作，打頭陣嘅合作手機係S5，四月就會喺包括香港在內嘅二十六個城市推出，到時用家只需用手指輕輕一掃，就可以通過指紋認證登入Paypal戶口畀錢，方便快捷。

Paypal香港、台灣及韓國地區經理James Mirfin透露，嚟緊Samsung智能手錶 Gear 2 都有機會合作做指紋認證，但就暫時冇同蘋果傾，強烈睇好Samsung產品咁話！

用戶可以將多張信用卡連接去Paypal戶口，無論網上付款定係去實體零售店舖，開住Paypal個app用指紋認證或者打帳戶密碼就可以畀錢，幫銀包慳位，最緊要係零手續費。

佢哋近期向小商戶力推Paypal Here，James話小商戶好支持，因為成本比向銀行拎信用卡收款機低，相信未來有更多零售舖收Paypal。