政壇：萬科搶佔美國地產市場
內地企業走出去係大勢所趨，喺房地產商方面，最積極應該係Soho，萬科集團都唔弱，佢哋喺紐約嘅項目動土喇，集團總裁郁亮、副總裁張旭齊齊去參與儀式。
郁亮（右三）同副總裁張旭（右一）齊參加動土禮。
郁亮記得佢哋第一個項目喺三藩市，第二個係紐約曼哈頓610 Lexington Avenue（列克星敦大道610號），今次係同美國地產商RFR、Hines合作。項目位於紐約老牌商業和高尚住宅核心地帶——曼哈頓中城區（Midtown），樓高六十一層。郁亮仲話，呢個項目由著名建築師Norman Foster親自操刀。咦！Norman Foster嘅大作，包括香港滙豐銀行大樓、香港機場同柏林德國議會大廈改造等。
據知，呢一區嘅建築好多出自名家，例如Miesvan der Rohe、Philip Johnson等。據講，列克星敦大道610號項目將於明年秋季啟動預售，一七年開始交付。依家咁多內地富豪喺海外置業，話唔埋好多華人買家呢。
