網民減甜火滾：捱生捱死為乜？
【本報訊】新一份財政預算案「減甜」之餘又毫無新意，惹起網民紛紛在網上討論區發炮，狠批預算案「垃圾、垃圾、垃圾」，最令網民「火滾」是綜援又再出雙糧，慨嘆打工仔「捱生捱死」究竟為乜？有人則抱着「無期望、所以無失望」的心態來自我安慰。
網民不滿預算案提出的紓困措施大縮水，對於政府撤銷電費補貼、公屋免租削減至一個月，嚴重影響民生，網民hijk001就此計算一年因而至少增加二千八百元支出，慨嘆：「點解連啲啲都要收起唔畀我哋！」連電費補貼亦慘遭剝奪，能受惠預算措施的人少之又少，頓成新一代「N無人士」，網民abu_cheung無奈接受現實：「好傷心呀。今年要開少啲冷氣先得喇！」
未受惠於任何紓困措施的同時，眼見綜援又再出雙糧，更怒火中燒。網民dogjo說：「我哋打工仔一族捱生捱死為乜？係咪鼓勵人攞綜援先？」另一網民說：「可唔可以捉啲無業領綜援啲人去做嘢」。不少網民認為每包煙只加稅四元，即每支煙加兩毫，未能助市民戒煙。
此外，亦有網民指政府計劃增加本地淡水供應，並預留土地興建海水化淡廠，形容是德政表現。
