創建力量秘書長、觀塘區區議員黃春平，自從喺區議會選舉時被揭發曾經任職中聯辦後，行事就愈嚟愈低調。不過，佢自爆做人咁低調全因太太唔想張揚，尤其係佢做咗區議員之後，太太就更加怕同佢一齊行。咁啱黃太都係內地人，莫非係擔心會畀人鬧係蝗蟲？

黃春平話自己並唔驚嘅，佢的而且確係新移民，一向都唔怕認自己係愛國愛港，仲會大大聲咁話自己係親中愛國陣營添！做咗區議員之後就避免不了高調，依家佢會定時擺街站，仲被其他區議員笑稱做壞個市添！

佢又話，曾經有電台搵佢講吓新移民或者近排出現嘅「驅蝗」問題，但被佢一一婉拒，全因為太太鍾意低調喎！佢仲話自從做咗區議員之後，太太就更加怕同佢一齊行，所以莫講話行街拍拖，就算搵太太一齊出街飲餐茶都難。

第一手消息請下載on.cc東網iPhone/iPad/Android/Windows Phone Apps