賊扮求救聲「一聽就知流嘅」
【本報訊】「你精我都精」！日前玩殘騙徒的吳伯，得意指當日不是電話無電，亦未有致電兒子求證，只是下樓後「回過神」，自己踢爆對方騙術，「唔通連自己個仔把聲都認唔出！」又稱：「我用另一部手機細細聲同差人講嘢，賊人聽唔到。」問他為何有兩部手機？吳伯無正面回應，只反問記者：「你冇咩？個個o靚妹都有啦，我有有乜出奇。」
六十六歲的吳伯昨日向記者展示「雙機」講述案情時，難以掩飾自己智鬥電話騙徒的驕傲。他表示自己退休前從事製衣業，亦的確有兒子。
打去重案組冇人聽
騙徒打電話給他時，最初雙方傾了三分鐘，對方叫他不要收線，之後他便落樓，因為保持通話那部三星手機斷線，所以醒起件事可能有問題，吳伯又「寸」騙徒扮其兒子的聲音「太渣」，令他一聽就知道係「流嘅」，所以用另一部手機報警，「我最先打畀重案，但冇人聽，所以打三條九。」因為騙徒叫吳將「保持通話」的手機放在褲袋內，加上對方間中亦曾斷線，而他使用另一部手機時收細音量，故未有露出破綻。
吳伯稱，今次是第一次與電話騙徒「對嘴」，但被他識破，他稱：「電視警訊都有講喇，咁都唔知咩，唔通自己親友把聲都認唔出呀。」
