香港特區一片亂，這再不是甚麼大秘密，亦不是一小撮人以欺下瞞上的「那渣招」便可掩飾的事實。喂！大家所見的亂象，並非被別有用心的賤精托大講到有「港獨」，而係一班香港廢柴政府庸官，加一堆垃圾議員搞出來的核突事！

民賤團一條肥肉蟲（有說是「屎蟲」），常在立法會議事廳內瞓到豬叫咁，被記者攝入鏡、登上報紙，不知幾多次，但仍「依然故我」，呢啲「功能組別」的垃圾，好心佢瞓就瞓啦！做乜發言吖！居然話唔知被商台解僱的李慧玲係乜誰，佢以為自己住喺火星！

另一件，前民賤團副主席、依家做大官嘅「人肉錄音機」卡片蘇，亦來自火星的說：「地鐵站人多，咪等下一班囉」！佢低B到不知問題源頭，係因為香港廢柴政府不敢叫停大陸自由行的內地人來港所致（或許，佢係明知，但佢唔使逼地鐵而講的），但，咁咪引起中港矛盾加深囉！

另一件，吖！又係民賤團的大人物，那位人大代表兼立法會議員指內地客問題，係因為本港配套不完善啫！並反問「逼一啲，有甚麼問題？」吓！乜嘢問題？依家內地人逼爆香港，已不再是地鐵站等多一班咁小事呀！醫院床位等幾年呀？本地人上樓等一世呀！不對！係等兩代呀！仲有，你知唔知點解香港呢幾年有咁多垃圾、廚餘呀！點解咁多人在香港洗黑錢呀？點解多咗咁多官員被揭發貪污舞弊呀？點解香港學生要爭學位呀？點解啲官員和建制派對上述問題視而不見呢？全因為兩字：「賤」！或「禮義廉」。

香港特區一片亂，全球領袖都知，除中國大陸的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps