SUN搞作：網絡小說：古代貪蟲

呢隻貪蟲最鍾意整古做怪，佢大施邪法，喺「強國」運嚟大批假腳。月圓之夜，佢就着住最鍾意嗰件紅衫開壇作法，急不及待拎起啲腳，一隻一隻咁貼上身，從蟲頭一直貼到蟲尾，直到再無地方可以貼，佢先至依依不捨咁停低。

呢一刻，貪曾大聲高呼：「我百足咁多爪！想貪乜都得！」佢心滿意足睇住滿身係腳的自己，心中暗暗竊喜：「森林啲嘢食仲唔畀我搶晒！」正當佢打算去菜田挖菜心嗰陣，先發覺自己完全無法控制啲腳。可能因為智商問題，堆腳完全無法受控，平時鬼鬼祟祟嘅佢，因為動作太慢，每一步都好似一條瀕臨斷氣嘅小蟲……

此時，貪曾頭上突然應聲一啪！一個天網迅速網住呢條蟲，一看，原來係正氣凜然嘅白眉道人，見到小蟲有氣無定唞，道人不禁失笑道：「貪字得個貧！」天網恢恢，疏而不漏，蟲子欲作貪事，實在難矣！