SUN搞作：少膽虫手記：撞到隻衰鬼
少膽虫工作到三更半夜，感到極其疲累，決定唔返屋企，留喺公司過夜，帶着疲倦嘅身軀走到休息室，諗都唔諗就撻咗落床，嗚呼睡覺。
房內一片漆黑，寒風刺骨，少膽虫半睡半醒，朦朧間赫見一人影在房中飄浮，以為眼花便無理會，繼續睡覺。點知，有一陣微響，「少、少、少、少」就像壞咗嘅錄音機，不斷在重複聲響。
突然，少膽虫聽到背後再傳來：「你係咪少膽虫呀？」少膽虫今鋪真係好驚，皆因凌晨四點嘅公司，應該唔會再有人，唔知係咪撞到「污糟嘢」，只好閉緊雙目，慌忙亂講：「我唔係少膽虫呀！你唔好認錯人呀！《爛果》亂作新聞、宣淫販賤都唔關虫事！係淫賤黎擔大旗話晒事，冤有頭債有主，要搞唔好搞虫，去搞淫賤黎！喃嘸阿彌陀佛！」
少膽虫希望牛鬼蛇神速速走，點知有人大叫「少膽虫」，呢刻，少膽虫先定一定神，再而肯肯定係腦細把聲，擘大雙眼，竟然見到淫賤黎個豬頭，仲四目交投，少膽虫冷靜咁問：「腦細，乜咁夜仲喺公司呀？仲以為消防隻鬼殺埋身！」「唉，溫柔鄉啲囡囡唔得閒，又冇屋企返，咪返嚟公司囉，吖，你啱啱發開口夢講乜話？」「冇……冇……虫即刻陪你去第二度溫柔過喇！」
