SUN搞作:SUN官場現形記:醜陋的議員
樓市雙辣招逃過否決命運,多得一班議會車神扭軚又扭軚,最終扭到離席抗議,草案先順利三讀通過。有見一眾飯民議員醜態畢現,我李衞同情心大作,決定去馬戲班探一探佢哋……
李衞:咁多位尊貴嘅飯民議員,唔使覺得醜怪,你哋今次都算有貢獻吖……
鐵頭:嗚嗚……畀人踢爆做妓女又要攞貞節牌坊,以後仲點見人……
袋巾:一日都係你班死白鴿,平時練縮骨功懶懶閒,今次出晒洋相,成台戲畀你哋搞喎晒!
鐵頭:你班公文袋咪喺度扮無辜,依家畀選民睇穿真面目,諗下計點箍實啲選票仲好過啦!
袋巾:呵,有你呢班死白鴿墊底,公文袋未驚過呀!
鐵頭:一早知你班公文袋信唔過,飯民要先安內後攘外,下屆派空降師整死你哋!
袋巾:哼,驚你有牙?最多攬住一齊死!
李衞:狗咬狗骨,果真有飯民風範!