港人到北韓涉嫌傳教被捕，呢單嘢已經引起港府關注，仲意外咁醒目擬好咗營救計劃……

救兵：李衞李衞，我想問問你意見，我哋諗住聯同駐港解放軍以及本地愛字頭武裝力量，一齊殺去平壤要求金將軍釋放香港人，你話好唔好？

李衞：吓？國際關係嘅嘢，你真係處男下海，使唔使搞到咁大件事呀？金將軍唔癲都畀你搞到癲啦！

救兵：咁你話點算好喇？吖！我諗到喇，直接叫佢打1868啦！

李衞：唔……北韓係有手機網絡覆蓋嘅，只不過唔係做生意的話，遊客一般都唔會買到張simcard囉。

救兵：唉，不如咁啦，送個人質去交換啦！有喇，搵旅遊專家貪氏雙蟲去交換啦，啱晒佢哋！

李衞：咁咪仲衰過派解放軍？等陣人哋以為你有陰謀呀！

救兵：點解呀？

李衞：人哋飯都無得食，仲搵兩條蛀米大蟲去，仲唔係想亡黨亡國？

救兵：＊＆︿！！＆＊＃）！

第一手消息請下載on.cc東網iPhone/iPad/Android/Windows Phone Apps